Gulab jamun se jada swadist kya koi aur mithai ho sakti hai?Nahi na!
To aaj ham Gulab Jamun ki Recipe batayege lekin thodi si alag- aaj ham Bread Gulab Jamun Recipe batayege.Vese bhi khane ke baad kuch Mitha khane ka man karta hai.To aaiye jaldi se shuru karte hai, Bread Gulab jamun Banane ki vidhi.
BREAD GULAB JAMUN RECIPE
Ingredients For Bread Gulab Jamun Recipe-
- Slice- 6 bread
- Maida- 1 chamach
- Baarik Suji- 1 chamach
- Dudh- 3 chamach
- Ilaychi Powder- 1/2 chamach
- Pisi Chini- 1/2 chamach
- Halka Bhuna Hua Khoya- 1 chamach
- Chironji- 1 chamach
- Baarik Kata Pista- 1 chamach
- Refined Oil- Talne ke liye
How To Make Bread Gulab Jamun Recipe-
Sabse Pehale pisi hui chini me khoya, chironji aur pisi ilaychi mila de.Bread ko ek plate me faila kar dudh me bhigo de.
5 minute baad bread ko nichod de taaki dudh nikal jaaye.Ab isme maida va suji ashe se milaye.Mishran jada sakht nahi hona chahiye.
Mishran ki choti choti goliya banaye.Har ek goli me bich me khoye vala masala bhar kar band kar dijiye.
Chini aur pani ki ek taar ki chashni bana kar alag rakh de.
Ab garam Tel me madhyam aanch par sunehre bhure hone tak goliya tale aur inhe garam chashni me daal de.2-3 ghante chashni me goliya bhigne de.
Lijiye tyaar ho gaye aapkeYummy yummy Mithe Garma-garam Bread Gulab Jamun, In par piste ki katran chidak kar saja kar serve kariye aur maje se khud bhi khaiye.
Subscribe Us by Email and Get Free Updates On Hot Topics!
Share:
