Gulab jamun Recipe uttar bharat ki mithai hai,gulab jamun recipe mawa me maida dalkar banaye jate hai ,paneer aur mawa se bhi gulabjamun banaye jate hai.Aaj ham mawa, paneer milakar gulab jamun banayege.
Aaiye ham banaye svadist gulab jamun recipe.
How To Make Gulab Jamun Recipe
Ingredients for Gulab Jamun Recipe -
- Mawa(khoya)- 250gram
- Paneer- 100gram
- Maida- 25gram
- Kaju(7-8tukdo me kate hue)- 1tablesapoon
- Kismis- 1tablesapoon
- Chini- 600gram
- Ghi- talne ke liye
How to make chashni-
Ek bade bartan me 600gram chini,300gram pani (chini se aadha pani) milakar gas par rakhiye.Chashni me ubal aane ke baad 2-3 minute aur pakane dijiye.Ab chashni ke ghol ko chamach se plate me tapka kar dekhiye ya anguthe aur anguliyo ke bich chipka kar dekhiye(anguthe,anguli ke bich chashni chipkani chahiye),Aadhe taar ki chashni banaiye.Chashni ko thanda karke chan lijiye.Aapki chashni tyar hai.
How to Make Mawa Gulab jamun Recipe -
Ek bade aur chaude bartan me mawa,paneer,maida ko mal-mal kar naram, chikna aate jaisa guth lijiye.Gulab jamun ke liye mawa tyar hai.
Tyar mawa se thoda sa mawa(angur jitna ya choti chamach) lekar hatheli par rakhiye aur usme 3-4 kaju,kismis tukde bharne ke liye rakhiye aur charo taraf se usse band karke hatheliyo se ashi tarah gol (laddu ki tarah) karke plate me rakhte jaiye.sare gole issi tarah bna lijiye.
Ab kadhayi me ghi dalkar garam kariye ,ek gulabjamun ghi me dalkar taliye agar gulabjamun ghi me phat rha hai to gulab jamun ke mawa me thoda sa maida aur dal kar mal lijiye.
4-5 gole kadhayi me daliye(gas ko dhimi aanch par rakh kar gulab jamun taliye) aur halka brown hone par hi kalchi se halka hila -hila kar charo taraf se brown hone tak taliye aur plate me nikalte jaiye.halka thanda hone par(2 minute baad) chashni me dal dijiye.
Issi tarah baki gole tal kar chashni me dubo dijiye.1-2 ghante tak gulab jamun me mithas bhar jayegi.
Issi tarah baki gole tal kar chashni me dubo dijiye.1-2 ghante tak gulab jamun me mithas bhar jayegi.
Aapke mawa gulab jamun tyar hai,khaiye garma-garam gulab jamun recipe.
Subscribe Us by Email and Get Free Updates On Hot Topics!
Share:
